Зузаахайг цэцэглүүлсэн туршлагаас

Нэгэн Орос эмэгтэй зузаахайг хэрхэн тариж байсан тухай бичсэн тэмдэглэлийг олж орууллаа.

 

Удаан цэцэглэгдэг бас арчилгаа их шаардаад байдаггүй учраас би зузаахайд хайртай байдаг.

Хамгийн анхны зузаахайгаа би нилээд хэдэн жилийн өмнө хавар худалдан авч байсан юм. Шууд л шар, улбар шар болон улаан өнгийн гурван зузаахай авсан юм. Энэ гурав маань хамтдаа ямар гоё харагддаг гээч






Хамгийн өндөр нь улаан өнгөтэй зузаахай байлаа.


Тэр үед би энэ цэцэгний тухай, мөн арчилгааг нь огт мэдэдгүй байсан юм. Хамгийн сонин нь цэцгийн дэлгүүрийн худалдагч надтай адил бараг л мэдэдгүй шахам хүн байв. Миний ганц мэдэж байсан зүйл гэвэл бүдүүн том навчийг нь хараад суккулентийн төрлийн ургамал байна гэдгийг л мэдэж байлаа. Тэгээд суккулентэд тохиромжтой хөрс худалдан авлаа. Би алдаагүй байв. Миний таамаглал зөв байж.
  Интернетээс мэдээлэл хайн хэрхэн арчилах тухай олж авлаа. Хэцүү биш юм байна. Хэтрүүлэн услаж болохгүй, байнга шилжүүлэн суулгахад дургүй.

Зуны турш цэцэглэлээ

Зөндөө олон цэцгийн бундуй үүсэж байв. Зуны турш цэцэглэлээ

 


Өвлийг зузаахай маань ажрахгүй давлаа.



Хавар

Хавар боллоо гэхдээ нэг ч бундуй гарахгүй байна шүү. Хэрхэн цэцэглүүлэх тухай мэдээлэл хайж эхэллээ

Хэсэг хугацаанд харанхуй газар байлгаад эргээд гэрэлд гаргаж ирж цэцэглүүлдэг ч гэж хэлэх хүн байлаа.

Зөвлөгөөг дагалаа гэхдээ мөн л цэцэглэсэнгүй.

Хоёр жилийн дараа

Эцсийн эцэст цэцэглэдэггүй гурван сайхан том модтой боллоо.
«Адилхан ийм гурван модоор би яах юм бэ?» гэж нэг өдөр бодогдоод хамгийн гоё хэлбэртэйг нь өөрөө авч үлдээд нөгөө хоёрыг нь хаядаг юмуу гэж бодож эхэллээ. Яг хаях гэсэн чинь хаяж чадахгүй. Дэмий тайраад үндэслүүлэхээр шийдлээ.

Суккулентын төрлийн ургамал маш амархан үндэслэдэг. Хоёр мөчир тайраад шууд нэг вааранд зоочихлоо.

Тэгсэн чинь гайхамшиг!
Үндэслээд цэцгийн бундуй үүслээ.




Ингэж зузаахайг хэрхэн цэцэглүүлэх талаар санаандгүй мэдэж авлаа.


Эхний жилүүдэд зузаахайн шинэ сортууд худалдан авч өөрөө зохиож янз бүрээр суулгаж байлаа.